दैलेखको गैरागाउँमा पहिरोले बगायो सात घर, एक जनाको मृत्यु, एक जना बेपत्ता
३ भदौं, २०७७, दैलेख । दैलेखको पश्चिम ठाटीकाँध गाउँपालिका गैरागाउँमा पहिरोले सात घर बगाएको छ । त्यहाँ एक जनाको मृत्यु भएको छ भने एक जना बेपत्ता छन् ।
ठाटीकाँध –४ का १२ वर्षीय जनक कठायतको मृत्यु भएको छ । मृतकका बुबा टीका, आमा धनसरा, दिदी बेल र दाजु शम्शेर घाइते भएका छन् । ११ वर्षीय लोकेश हराएका छन् ।
दैलेखकै भगवतीमाई गाउँपालिका कट्टीमा पहिरोले घर पुर्दा ६६ वर्षीय बलबहादुर रावतको मृत्यु भएको प्रहरीले जनाएको छ ।
सल्यानको बनगार्ड ५ नाथेखोलामा आएको बाढिले बगाएर दोलखाका दिलिप केसी बेपत्ता भएका छन् । उनी मजदुरीको लागि सल्यान पुगेका थिए ।
बाजुराको छेडेदह गाउँपालिका बनगाडा लेक पहिरोमा पुरीएर तीन वर्षीया बालिका स्वामीका बुढा र बुढीनन्दा नगरपालिकामा ७५ वर्षीया झीनु लुवारको बाढीले बगाएर मृत्यु भएको प्रहरीले जनाएको छ ।
पहिरोमा परी ६० वर्षीया नन्दा बुढा र ५ वर्षीया बिनीता बुढा घाइते हुनुभएको छ ।
प्रतिक्रिया