कालिकोटमा खोलाले बगाउँदा एकै परिवारका चार जनाको मृत्यु

३२ साउन, २०७७, कालिकोट । दुदुली खोलाले बगाएर कालिकोटमा एकैपरिवारका चारजना बेपत्ता भएका छन् ।

कालीकोटको नरहरिनाथ गाउँपालिका– ७ माल्कोट उच्छवमा दुदुली खोला तर्ने क्रममा एकैपरिवारका चारजनालाई बाढीले बगाएको हो ।

अछामको रामारोसन गाउँपालिकाबाट कालिकोटको नरहरिनाथ गाउँपालिका– ७ माल्कोट माइती आएकी ३३ वर्षीया देवा बोहरा, उहाँकी १४ वर्षीया छोरी विपना, ७ वर्षीय छोरा हेमन्त र एक वर्षीया छोरी आकृतिलाई खोलाले बगाएको प्रहरीले जनाएको छ ।