उपसभामुखको निर्वाचन छिटोभन्दा छिटो गर्न माग

Himalaya Television
२०७७ साउन ६ गते १९:१६

उपसभामुखको निर्वाचन छिटोभन्दा छिटो गर्न माग

६ साउन, २०७७ काठमाडौं । अन्तर पार्टी महिला सञ्जालले छिटो भन्दा छिटो उपसभामुखको निर्वाचन गर्न माग गरेको छ ।

सभामुख अग्निप्रसाद सापकोटालाई सिंहदरबारमा भेटेर सञ्जालको टोलीले छिटो उपसभामुखको चुनाव गर्न माग गरेको छ ।

जवाफमा सभामुख सापकोटाले आफूले प्रधानमन्त्रीदेखि दलका नेताहरुसँग छलफल गर्दा पनि उपसभामुखको पदपूर्ति हुन नसकेको बताउनुभयो ।

उपसभामुख पद माघ ६ गतेदेखि रिक्त छ । तर उपसभामुख चयन गर्न दलहरुले ध्यान दिएका छैनन । संविधानमा सभामुख र उपसभामुख फरक लिंग र राजनीतिक दलको हुनुपर्ने व्यवस्था छ ।

छलफलमा सभामुख सापकोटाले हरेक नागरिकले अधिकार उपयोग गर्न पाए मात्रै राष्ट्रिय एकता कायम हुने बताउनुभयो ।

अन्तर पार्टी महिला सञ्जालले राजनैतिक र राज्यका संरचनाका हरेक नीति निर्माण तहमा महिलाको अनिवार्य सहभागिता गराउन सभामुखको ध्यानाकर्षण गराएको को छ ।


प्रतिक्रिया

Leave a Reply

Your email address will not be published. Required fields are marked *