विदेशमा समस्यामा परेका नेपाली स्वदेश फर्काउन आज पाँच उडान हुँदै
६ असार, २०७७ काठमाडौं । विदेशमा समस्यामा परेका नेपालीको स्वदेश फिर्तीका लागि आज ५ वटा उडान हुने भएका छन् ।
आज मलेसिया, कतार, साइप्रस, बंगलादेश र कोरियाबाट नेपालीहरु स्वदेश फर्काउन लागिएको हो ।
साइप्रस, मलेसिया र कतारबाट नेपाल एअरलाइन्सले त्यहाँ समस्यामा परेका नेपालीको स्वदेश फिर्तीका लागि चार्टर्ड उडान भर्नेछन् भने बंगलादेशबाट हिमालय एअरलाइन्सले नेपाली ल्याउनेछ ।
यस्तै आज कोरियाबाट पनि कोरियन एअरलाइन्समार्फत २ सय २६ जना नेपाली स्वदेश फर्कर्दैछन् । प्रवेशाज्ञा अवधि सकिएका तथा नेपाल फर्कनुपर्ने आवश्यकता हेरेर सकेसम्म सबैभन्दा बढी आवश्यक भएकालाई प्राथमिकताका साथ समेटिएको बताइएको छ ।
गैरआवासीय नेपाली सङ्घ कोरियाका महासचिव विमल सुवेदीका अनुसार अवैधानिक बसोबास गरेका, बन्दी जीवन बिताइरहेका, बिरामी तथा गर्भवतीलाई प्राथमिकतामा राखिएको छ ।
जसमध्ये ३६ गर्भवती महिला छन् । साउदीको दमामबाट हुने भनिएको हिमालय एअरलाइन्सको चार्टर्ड उडान भने रद्द भएको छ ।
प्रतिक्रिया