अष्ट्रेलियाबाट भोलि हुने भनिएको चार्टर्ड उडानको मिति सर्‍यो

Himalaya Television
२०७७ असार २ गते १३:४६

अष्ट्रेलियाबाट भोलि हुने भनिएको चार्टर्ड उडानको मिति सर्‍यो

२ असार, २०७७ काठमाडौं । अष्ट्रेलियाबाट भोलि हुने भनिएको चार्टर्ड उडानको मिति सरेको छ।

अष्ट्रेलियामा समस्या परेका नेपाली लिएर सिड्नीबाट आउने भनेको नेपाल एयरलाइन्सको सो चार्टर जहाज असार ९ गतेका लागि सरेको हो।

अष्ट्रेलियाबाट दोस्रो उडान पनि असार १२ गतेमा हुने क्यानबेरास्थिति नेपाली दूतावासले जनाएको छ। सो उडानमार्फत स्वदेश फर्कन आवेदन दिएकामध्ये सरकारले तोकेको प्राथमिकताका आधारमा छनोट गरिने दूतावासले जनाएको छ।

सो उडानमार्फत भिसा अवधि सकिएका, स्वदेश फर्कनुपर्ने अबस्थाका विद्यार्थी, कोरोना बाहेक अन्य जटिल बिरामी, गर्भवती, भिजिट भिसामा गएर अलपत्र परेका, विभिन्न कारणले खान बस्न समस्या भएका वा रोजगारी गुमाएर अलपत्र परेकालाई प्राथमिकतामा राखिएको छ।


प्रतिक्रिया

Leave a Reply

Your email address will not be published. Required fields are marked *