बायर्न म्युनिख र लिभरपुल च्याम्पियन्स लीग फूटबलको क्वार्टरफाइनल प्रवेश
२५ फागुन २०७८ काठमाडौं । जर्मन क्लब बायर्न म्युनिख र इंग्लिस क्लब लिभरपुल च्याम्पियन्स लीग फूटबलको क्वार्टरफाइनलमा प्रवेश गरेका छन् ।
च्याम्पियन्स लीगअन्तर्गत अन्तिम १६ को दोस्रो लेगमा अष्ट्रियाली क्लब साल्जवर्गमाथि ७–१ को शानदार जित निकाल्दै समग्रमा ८–२ को नतिजासहित बायर्न अन्तिम आठमा पुगेको हो ।
घरेलु मैदानमा बायर्नको जितमा रोबर्ट लेवान्डोस्किले ह्याट्रिक गरे । उनले खेलको १२औं, २१औं र २३औं मिनेटमा गोल गर्दै ह्याट्रिक पूरा गरेका थिए ।
त्यसपछि बायर्नका लागि थोमस मुलरले दुई तथा सर्जी जिनाब्री र लेरोय सानेले एक(एक गोल थपे । साल्जवर्गका मौरिस केजरगार्डले सान्त्वना गोल फर्काएका थिए । साल्जवर्गको मैदानमा पहिलो लेग एक(एकको बराबरीमा सकिएको थियो ।
यस्तै अर्को खेलमा इन्टर मिलानसँग १–० ले पराजित भएपनि समग्रमा २–१ को नतिजा निकाल्दै लिभरपुलले पनि क्वार्टरफाइनलमा स्थान पक्का पारेको छ ।
लिभरपुलको मैदान एनफिल्डमा इटालियन क्लब इन्टरको जितमा लाउटारो मार्टिनेजले ६१औं मिनेटमा गोल गरेका थिए । इन्टरको घरेलु मैदानमा सम्पन्न पहिलो लेग लिभरपुलले २० ले जितेको थियो ।
प्रतिक्रिया