खेलकूद
ए डिभिजन लीगमा आजदेखि दोस्रो चरणका खेल हुँदै
२०७८ मंसिर १० गते ९:२८
१० मंसिर २०७८ काठमाडौं । सहिद स्मारक ए डिभिजन लीग फुटबलमा आजदेखि दोस्रो चरणका खेल हुँदैछन् ।
दोस्रो चरणको पहिलो खेलमा आज सातदोबाटो युथ क्लब र थ्री स्टार क्लब खेल्नेछन् । यो खेल दिउँसो १ बजे त्रिपुरेश्वरस्थित दशरथ रंगशालामा हुनेछ ।
पहिलो खेलमा सातदोबाटोले फ्रेन्ड्स क्लबसँग गोलरहित बराबरी खेलेको थियो । पहिलो खेलमा च्यासल युथ क्लबलाई ३÷० ले हराउँदै थ्री स्टार लिगको शीर्ष स्थानमा छ ।
लीगअन्तर्गत दोस्रो खेलमा आजै सङ्कटा क्लब र फ्रेन्ड्स क्लबबीच प्रतिस्पर्धा हुनेछ । यो खेल साँझ पौने ५ बजे हुनेछ ।
सङ्कटाले पहिलो खेलमा हिमालयन शेर्पासँग १÷१ गोलको बराबरी खेलेको थियो । फ्रेन्ड्सले भने गोलरहित बराबरी खेलेको थियो ।
प्रतिक्रिया