खेलकूद

दिल्ली क्यापिटल्स आईपीएलको शीर्ष स्थानमा, आज मुम्बई र कोलकाता भिड्दै

हिमालय टिभी
२०७८ असोज ७ गते ८:२१
दिल्ली क्यापिटल्स आईपीएलको शीर्ष स्थानमा, आज मुम्बई र कोलकाता भिड्दै

७ असोज २०७८ दुबई । इण्डियन प्रिमियर लीग (आईपीएल) ट्वेन्टी–ट्वेन्टी क्रिकेटमा दिल्ली क्यापिटल्स शीर्ष स्थानमा उक्लिएको छ ।

आईपीएल अन्तर्गत गएराति सनराइजर्स हैदराबादमाथि ८ विकेटको सहज जित निकाल्दै दिल्ली शीर्ष स्थानमा फर्किएको हो । १ सय ३५ रनको मध्यम लक्ष्य दिल्लीले १३ बल अगावै मात्र दुई विकेटको नोक्सानीमा पूरा गरेको थियो ।

दिल्लीका श्रेयस अइयर ४७ रनमा अविजित रहँदा शिखर धवनले ४२ रन बनाए । त्यस्तै कप्तान ऋषभ पन्त ३५ रनमा नटआउट रहे ।

यसअघि दुबई अन्तराष्ट्रिय क्रिकेट मैदानमा टस जितेर पहिले ब्याटिङ गरेको हैदराबादले निर्धारित २० ओभरमा ९ विकेट गुमाउँदै १ सय ३४ रन बनाएको थियो । हैदराबादका अब्दुल समादले २८ तथा राशिद खानले २२ रन जोडे ।

बलिङमा दिल्लीका काशिगो रबाडाले तीन तथा एनरिच नोर्जे र अक्क्षर पटेलले समान दुईदुई विकेट लिए । जितसँगै दिल्लीले ९ खेलबाट १४ अंक जोड्दा ८ खेलबाट मात्र दुई अंकसहित हैदराबाद पुछारमा रहेको छ ।

आज साविक विजेता मुम्बई इण्डियन्स र कोलकाता नाइट राइडर्सबीच खेल हुनेछ ।

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्