खेलकूद
एन्टोनिओ ग्रिजम्यान एथ्लेटिको मड्रिडमा अनुबन्धित
२०७८ भदौ १६ गते ७:४९
१६ भदौ २०७८ काठमाडौं । ला लिगा च्याम्पियन एथ्लेटिको मड्रिडले एन्टोनिओ ग्रिजम्यानलाई पुनः अनुबन्धित गरेको छ ।
एथ्लेटिकोले फारवार्ड ग्रिजम्यानलाई एक वर्षका लागि ऋण सम्झौता अनुसार बार्सिलोनाबाट भित्र्याएको हो । ग्रिजम्यान सन् २ हजार १९ मा एथ्लेटिकोबाट बार्सिलोना गएका थिए ।
उनका लागि बार्सिलोनाले १ सय ७ मिलियन पाउण्ड स्ट्रर्लिङ्ग तिरेको थियो । एथ्लेटिकोले एक वर्षका लागि ग्रिजम्यानको पारिश्रमिक तिर्नुपर्ने छ भने अर्को वर्ष अनिवार्य रुपमा उनलाई स्थायी अनुबन्धित गर्नुपर्ने छ ।
कोरोना महामारीपछि आर्थिक संकटमा रहेको बार्सिलोनाबाट यस सिजन छोड्ने ग्रिजम्यान ११ औं खेलाडी हुन् ।
प्रतिक्रिया