खेलकूद
त्रिकोणात्मक क्रिकेट सिरिजको खेल तालिका सार्वजनिक
२०७८ भदौ १० गते ७:५२
१० भदौ २०७८ काठमाडौं । आईसीसी विश्वकप क्रिकेट लीग–२ अन्तर्गत नेपाल, ओमान र अमेरिकासँगको त्रिकोणात्मक एक दिवसीय श्रृङ्खलाको खेल तालिका सार्वजनिक भएको छ ।
खेल तालिका अनुसार नेपालले पहिलो खेल अमेरिकासँग आउँदो भदौ २८ गते खेल्नेछ ।
यस्तै नेपालले दोस्रो खेलमा ओमानसँग आउँदो २९ गते खेल्ने छ । नेपालले तेस्रो खेलमा अमेरिकासँग असोज १ गते खेल्ने छ भने अन्तिम खेल ओमानसँग असोज ३ गते खेल्नेछ ।
प्रतियोगिताका लागि १७ खेलाडीसहित २२ सदस्यीय नेपाली टिम ओमान पुगिसकेका छन् । श्रृङ्खला अघि नेपालले पपुवा न्युगिनीसँग दुई एक दिवसीय खेल खेल्नेछ ।
प्रतिक्रिया