खेलकूद
नोभाक जोकोभिचले जिते छैटौंपटक विम्बल्डन टेनिसको उपाधि
२०७८ असार २८ गते ८:१५
२८ असार २०७८ काठमाडौं । विश्व नम्बर एक नोभाक जोकोभिचले छैटौं पटक विम्बल्डन टेनिसको उपाधि जितेका छन् ।
सर्बियन खेलाडी जोकोभिच पुरुष एकलतर्फको फाइनलमा इटालीका माटेओ बेरेटिनीलाई पराजित गर्दै च्याम्पियन बनेका हुन् ।
साविक विजेता समेत रहेका जोकोभिचले सातौं वरीयताका माटेओलाई ६–७,६–४, ६–४ र ६–३ को सेटमा हराए । ३४ वर्षीय जोकोभिचको यो २० औं ग्राण्डस्लाम उपाधि पनि हो ।
उनले २० पटक ग्राण्डस्लाम जित्ने स्विस खेलाडी रोजर फेडेरर र स्पेनका राफायल नाडालले बनाएको कीर्तिमानको बराबरी पनि गरेका छन् ।
उता २५ वर्षीय माटेओ विम्बल्डनको फाइनलमा पुग्ने पहिलो इटालियन खेलाडी हुन् । यस्तै माटेओ सन् १९ सय ७६ पछि ग्राण्डस्लाम फाइनलमा पुग्ने पहिलो इटालियन खेलाडी पनि हुन् ।
महिलातर्फको उपाधि विश्व नम्बर एक अष्ट्रेलियाकी अस्लेइग बार्टीले जितेकी थिइन् ।
प्रतिक्रिया