आर्थिक
सामान नेपाल ल्याउन भारतीय रेलमार्ग प्रयोग गर्न पाउने सम्झौता
२०७८ असार २५ गते १८:०१
२५ असार २०७८ काठमाडौं । तेस्रो मुलुकबाट आएका मालसामान बन्दरगाहबाट नेपालसम्म ल्याउन भारतीय रेलमार्ग संजालको प्रयोग गर्न पाउनेगरी सम्झौता भएको छ ।
आज आयोजित कार्यक्रममा भारत नेपाल रेल सेवा सम्झौतामा हस्ताक्षर भएको छ । सम्झौतामा कार्गो रेल संचालकले नेपाल आउने कन्टेनर र अन्य मालसमानका लागि भारतीय रेलमार्ग प्रयोग गर्न पाउने उल्लेख छ ।
यसले नेपालको बजार शक्तिको पहुँच बढ्नुका साथै सामान ढुवानी थप प्रभावकारी हुने अपेक्षा गरिएको छ ।
नेपालका तर्फबाट उद्योग वाणिज्य तथा आपूर्ति मन्त्रालयका सचिव दिनेश भट्टराई र भारतका तर्फबाट रेल मन्त्रालयका परिचालन एवम् व्यावसाय विभागका सदस्य सञ्जय कुमार मोहान्तीले सम्झौतामा हस्ताक्षर गरेको जनाइएको छ ।
नेपालस्थित भारतीय दुतावासले विज्ञप्ति निकालेर यो सम्झौताबारे जानकारी दिएको हो ।
प्रतिक्रिया