विदेश
अमेरिकामा आवासीय भवन भत्किँदा कम्तिमा ९९ जना बेपत्ता
२०७८ असार ११ गते ८:१६
११ असार २०७८ न्युयोर्क । अमेरिकाको फ्लोरिडामा आवासीय भवन भत्किँदा कम्तिमा ९९ जना बेपत्ता भएका छन् ।
फ्लोरिडाको मायामी शहरमा १२ तलाको एक आवासीय भवन भत्किएको हो । घटनास्थलबाट प्रहरीले एक जनाको शव निकालेको छ । ३५ जनाको शकुशल उद्धार भएको बीबीसीले जनाएको छ ।
उक्त आवासिय भवनमा बस्दै आएकामध्ये ९९ जना हराइरहेका बीबीसीले जनाएको छ । भवन भत्किनुको कारण भने खुलेको छैन ।
भवन भत्किँदा त्यहाँ कति जना थिए भन्ने बारे पनि अनुसन्धान भइरहेको छ । प्रहरीले उद्धारको काम गरिरहेको छ । सन् १९८० मा बनेको यो भवनमा २ सय ३० वटा फ्ल्याट छन् ।
भवनको आधाजसो भागमा असर परेको छ । भवनको छतमा निर्माणको काम भइरहेका बेला भवन भत्किएको हो ।
प्रतिक्रिया