आर्थिक
निगमले फेरि बढायो पेट्रोलियम पदार्थको भाउ
२०७८ असार १० गते ८:५३
१० असार २०७८ काठमाडौं । नेपाल आयल निगमले पेट्रोलियम पदार्थको भाउ फेरि बढाएको छ ।
गत जेठ २२ गते मात्र निगमले पेट्रोल र डिजेलको मूल्य बढाएको थियो। निगमले गएरातिबाट लागू हुनेगरी मूल्य समायोजन गरेको जनाएको छ ।
निगमले पेट्रोल, डिजेल र मट्टितेलमा प्रतिलिटर दुई रुपैयाँ मूल्य बढाएको छ । आन्तरिकतर्फको हवाइ उडानमा निगमले दुई रुपैयाँ बढाएको छ ।
समायोजित मूल्यअनुसार पेट्रोल अब प्रतिलिटर १ सय २७, डिजेल १ सय १० र आन्तरिकतर्फको हवाइ इन्धनको मूल्यअब ८२ रुपैयाँपुगेको छ ।
निगमले अन्तर्राष्ट्रिय उडानतर्फको हवाइ इन्धनमा प्रतिकिलोलिटर अमेरिकी डलर २० ले बढाएको छ।
प्रतिक्रिया