आर्थिक
धान खेतीको सिजनमा मल पाएपछि बाँकेका किसान उत्साहित (भिडियो रिपोर्टसहित)
२०७८ असार ५ गते १४:४७
५ असार २०७८ बाँके । धान खेतीको सिजनमा मल पाएपछि बाँकेका किसान उत्साहित भएका छन् ।
कोरोना संक्रमणको जोखिमका कारण कृषि सामग्री कम्पनीले पालैपालो सहकारी संस्थामार्फत गाउँपालिकाका किसानलाई युरिया र डिएपी मल उपलब्ध गराउदै आएको छ ।
कृषि सामग्री कम्पनीको गोदाममा पुगेका कृषि सहकारी संस्थाका प्रतिनिधि मागे जति रासायनिक मल पाएको बताउँछन् ।
यो वर्ष धानका लागि आवश्यक पर्ने ६० देखि ७० प्रतिशत मल कृषि कम्पनीबाट बाँकेका कृषि सहकारी संस्थामा पुगिसकेको छ । बाँकेमा १ सय १ वटा कृषि सहकारी संस्थाले किसानलाई मल वितरण गर्दै आएका छन् ।
धान खेतीका लागि बाँकेमा जेठदेखि साउनसम्म रासायनिक मल आवश्यक पर्छ । गत वर्ष भने मलको हाहाकार भएको थियो । बाँकेको ३६ हजार ५ सय हेक्टरमा धान खेती हुने गरेको छ ।
प्रतिक्रिया