प्रिमियर लीगमा म्यानचेष्टर सिटीको अपराजित यात्रा २१ खेलसम्म पुग्यो

Himalaya Television
२०७७ फागुन १९ गते ७:५९

प्रिमियर लीगमा म्यानचेष्टर सिटीको अपराजित यात्रा २१ खेलसम्म पुग्यो

१९ फागुन २०७७ काठमाडौं । इंग्लिस प्रिमियर लीग फूटबलमा म्यानचेष्टर सिटीले अपराजित यात्रा २१ खेलसम्म पुर्‍याएको छ ।

प्रिमियर लीग अन्तर्गत गएराति शीर्ष स्थानको सिटीले उल्फ्समाथि ४–१ गोलको शानदार जित निकालेको हो । घरेलु मैदान इतिहाद रंगशालामा सिटीले आत्मघाती गोलसँगै अग्रता बनाएको थियो ।

१५औं मिनेटमा उल्फ्सका लिएन्डर डेन्डोन्केरले आफ्नै पोष्टमा गोल गर्न पुगेका थिए । तर ६१औं मिनेटमा उल्फ्सका कोनर कोडेले गोल गरेपछि खेल १–१ गोलको बराबरी भएको थियो ।

त्यसपछि सिटीका लागि गेब्रियल जिससले दुई र रियाद महरेजले एक गोल थपेका थिए । जितसँगै सिटीले दोस्रो स्थानको म्यानचेष्टर युनाइटेडसँगको अग्रता १५ अंकले बढाएको छ ।

२७ खेलबाट सिटीले ६५ अंक जोड्दा युनाइटेडको २६ खेलबाट ५० अंक छ ।


प्रतिक्रिया

Leave a Reply

Your email address will not be published. Required fields are marked *

Latest Programs