खेलकूद
बी डिभिजन लीग फूटबलमा आज पनि दुई खेल हुँदै
२०७७ फागुन १७ गते ७:५०
१७ फागुन २०७७ काठमाडौं । काठमाडौंमा जारी सहिद स्मारक बी डिभिजन लीग फूटबलमा आज पनि दुई खेल हुँदैछन् ।
आजको पहिलो खेलमा रानीपोखरी कर्नर टिम आरसीटी र टुसाल क्लब आमने(सामने हुनेछन् ।
आरसीटी ७ खेलमा ९ अंकसहित छैठौं स्थानमा र ८ अंक जोडेको टुसाल सातौं स्थानमा छन् । सातदोबाटोस्थित एन्फा कम्प्लेक्समा खेल मध्यान्ह सवा १२ बजे शुरु हुनेछ ।
यस्तै, आजै हुने अर्को खेलमा शीर्ष स्थानको सातदोबाटो युथ क्लब र श्री भगवती क्लब भिड्ने छन् । सातदोबाटोले ७ खेलमा १९ अंक जोडेको छ ।
उता श्री भगवती ७ खेलमा ६ अंक जोड्दै नवौं स्थानमा छ । । एन्फा कम्प्लेक्समै हुने खेल दिउँसो साढे ३ बजे शुरु हुनेछ ।
प्रतिक्रिया