युभेन्टस इटालियन सिरी ए फूटबलको तेस्रो स्थानमा उक्लियो

Himalaya Television
२०७७ फागुन ११ गते ७:४८

युभेन्टस इटालियन सिरी ए फूटबलको तेस्रो स्थानमा उक्लियो

११ फागुन २०७७ काठमाडौं । इटालियन सिरी ए फूटबलमा युभेन्टस तेस्रो स्थानमा उक्लिएको छ ।

सिरी ए अन्तर्गत गएराति सम्पन्न खेलमा क्रोटोनलाई ३–० ले हराउँदै युभेन्टस तेस्रो स्थानमा पुगेको हो ।

घरेलु मैदानमा युभेन्टसको जितमा क्रिष्टियानो रोनाल्डोले दुई र वेष्टन म्याकेनीले एक गोल गरे । रोनाल्डोले ३८ र पहिलो हाफको इञ्जुरी समयमा गोल गरेका थिए ।

रोनाल्डोले दुबै गोल हेडमार्फत गरेका थिए । त्यसपछि ६६औं मिनेटमा म्याकेनीले गोल थपेका थिए ।

शीर्ष स्थानको इन्टर मिलानको २३ खेलबाट ५३ तथा दोस्रो स्थानको एसी मिलानको समान खेलबाट ४९ अंक हुँदा युभेन्टसको २२ खेलबाट ४५ अंक भएको छ ।


प्रतिक्रिया

Leave a Reply

Your email address will not be published. Required fields are marked *

Latest Programs