च्याम्पियन्स लीग फूटबलमा लिभरपुल र पीएसजी विजयी

Himalaya Television
२०७७ फागुन ५ गते ८:१२

च्याम्पियन्स लीग फूटबलमा लिभरपुल र पीएसजी विजयी

५ फागुन २०७७ काठमाडौं । च्याम्पियन्स लीग फूटबलमा लिभरपुल र पीएसजी विजयी भएका छन्।

च्याम्पियन्स लीग अन्तर्गत अन्तिम १६ को पहिलो लेगमा लिभरपुलले लाइप्जिगमाथि २–० को जित निकालेको छ । अवे मैदानमा लिभरपुलको जितमा मोहमेद सलाह र साडियो मानेले गोल गरेका थिए ।

सलाहले ५३औं र मानेले ५८ औं मिनेटमा गोल गरे । दोस्रो लेग लिभरपुलको घरेलु मैदान एनफिल्डमा मार्च १० तारिखमा हुनेछ ।

यस्तै अर्को खेलमा पेरिस सेन्ट जर्मेनले बार्सिलोनालाई ४–१ गोलले स्तब्ध बनायो । घरेलु मैदान नाउ क्याम्पमा बार्सिलोनाले २७औं मिनेटमा कप्तान लियोन मेस्सीको पेनाल्टी गोलसँगै अग्रता बनाएको थियो ।

तर त्यसपछि पीएसजीले लगातार चार गोल थपेको थियो । उसका लागि केलियन एम्बाप्पेले ह्याट्रिक पूरा गरे । एम्बाप्पेले ३२औं, ६५औं र ८५औं मिनेट गरी तीन गोल गरेका थिए ।

त्यस्तै मोइसी कियनले अर्को एक गोल गरेका थिए । दोस्रो लेग पेरिसमा मार्च २० तारिखमा हुनेछ ।


प्रतिक्रिया

Leave a Reply

Your email address will not be published. Required fields are marked *

Latest Programs