मदनकृष्ण श्रेष्ठको स्वरमा फूलबुट्टे सारीमा म्युजिक भिडियो सार्वजनिक

४ फागुन २०७७ काठमाडौं । मदनकृष्ण श्रेष्ठको स्वरमा फूलबुट्टे सारी अग्रज संस्करण सार्वजनिक भएको छ ।

देवीथान म्युजिक कम्पनीले बजारमा ल्याएको फूलबुट्टे सारी अग्रज संस्करण सरस्वती पूजाको अवसर पारेर आज सार्वजनिक गरिएको हो ।

राजेश पुमा राईको निर्देशन रहेको गीतको म्युजिक भिडियोमा वरिष्ठ कलाकार मदनकृष्ण श्रेष्ठ र मिथिला शर्माले अभिनय गर्नु भएको छ ।

फूलबुट्टे सारी १२ वर्ष अघि राजनराज शिवाकोटीको शब्द र संगीतमा पहिलो पटक सार्वजनिक भएको थियो ।

पुरुष, महिला र बाल संस्करणको सफलतापछि यो गीतको अग्रज संस्करण ल्याइएको हो । फूलबुट्टे सारी पछिल्लो समय टिकटकमा भाइरल भइरहेको छ ।