खेलकूद

राष्ट्रिय महिला लीग फूटबलमा आज दुई खेल हुँदै

हिमालय टिभी
२०७७ फागुन ३ गते ८:५१
राष्ट्रिय महिला लीग फूटबलमा आज दुई खेल हुँदै

३ फागुन २०७७ काठमाडौं । काठमाडौंमा जारी राष्ट्रिय महिला लीग फूटबलमा आज दुई खेल हुँदैछन् ।

महिला लीग अन्तर्गत आजको पहिलो खेलमा दुई विभागीय टोली सशस्त्र प्रहरीको एपीएफ क्लब र नेपाल पुलिस क्लब भिड्ने छन् ।

प्रतियोगितामा हालसम्म अपराजित एपीएफ ९ खेलमा २७ अंकसहित तालिकाको शीर्ष स्थानमा कायमै छ। उता ९ खेल खेल्दै १४ अंक जोडेको पुलिस चौथो स्थानमा छ । सातदोबाटोस्थित एन्फा कम्प्लेक्समा खेल मध्यान्ह १२ बजे शुरु हुनेछ ।

उता आजै हुने अर्को खेलमा स्याङजाको वालिङ नगरपालिका र मोरङको विराटनगर महानगरपालिकाबीच प्रतिस्पर्धा हुनेछ ।

तेस्रो स्थानमा रहेको वालिङले ९ खेलबाट १४ अंक जोड्दा विराटनगर १० खेलबाट १३ अंकसहित पाँचौं स्थानमा छ । एन्फा कम्प्लेक्समा नै हुने दिउँसो ३ बजे शुरु हुनेछ ।

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्