बार्सिलोना उक्लियो स्पेनिस ला लिगाको दोस्रो स्थानमा
२६ माघ २०७७ काठमाडौं । स्पेनिस ला लिगा फूटबलमा बार्सिलोना दोस्रो स्थानमा उक्लिएको छ ।
ला लिगा अन्तर्गत गएराति रियल बेटिसलाई ३–२ ले हराउँदै बार्सिलोना दोस्रो स्थानमा पुगेको हो ।
घरेलु मैदानमा रियलले ३८औं मिनेटमा बोर्जा इग्लेसियसको गोलबाट अग्रता लिएको थियो । त्यसपछि बार्सिलोनाका लियोनल मेस्सीले ५९ औं मिनेटमा गोल गर्दै खेल बराबरी गरेका थिए ।
मेस्सीले मैदान प्रवेश गरेको तेस्रो मिनेटमै गोल गर्न सफल भएका थिए । लगत्तै रियलका भिक्टर रुइजले ६८ औं मिनेटमा आत्मघाती गोल गरेपछि बार्सिलोनाले खेलमा २–१ को अग्रता बनायो ।
त्यसपछि ७५ औं मिनेटमा रियलका रुइजले गोल गरेपछि खेल २–२ गोलको स्थितिमा पुग्यो । तर ८७ औं मिनेटमा माचाडो ट्रिन्काओको गोलसँगै बार्सिलोना समग्रतमा ३–२ ले विजयी भयो ।
जितपछि बार्सिलोनाले २१ खेलबाट ४३ अंक जोडेको छ । शीर्ष स्थानको एट्लेटिको मड्रिडको १९ खेलबाट ५० अंक छ ।
ला लिगा अन्तर्गत नै अन्य खेलमा रियल सोसिडाडले काडिजलाई ४–१ तथा ओसासुनाले एइबरलाई २–१ ले पराजित गर्दा एथ्लेटिको बिल्बाओ र भ्यालेन्सियाले ११ को बराबरी खेलेका छन् ।
प्रतिक्रिया