खेलकूद
महिला लीग फूटबलमा दोस्रो चरणको खेल शुरु हुँदै
२०७७ माघ २४ गते ७:५५
२४ माघ २०७७ काठमाडौं । काठमाडौंमा जारी राष्ट्रिय महिला लीग फूटबल प्रतियोगिताको दोस्रो चरणको खेल आजदेखि शुरु हुँदैछन् ।
प्रतियोगिताअन्तर्गत आज विभागीय क्लब त्रिभुवन आर्मी र उदयपुरको चौदण्डीगढी नगरपालिकाबीच प्रतिस्पर्धा हुनेछ ।
पहिलो चरणको खेल सकिँदा आर्मी दोस्रो स्थानमा रहेको छ । आर्मी ६ खेलमध्ये ४ मा जित र एकमा पराजित हुनुको साथै एक खेल बराबरी खेल्दै १३ अंक जोडेको छ ।
उता पहिलो चरणमा एक खेल पनि नजितेको र एक गोल पनि गर्न नसकेको चौदण्डीगढी अंकविहीन रहँदै पुछारमा रहेको छ । सातदोबाटोस्थित एन्फा कम्प्लेक्समा हुने खेल दिउँसो २ बजे शुरु हुनेछ ।
प्रतिक्रिया