खेलकूद
राष्ट्रिय महिला लीग फूटबलमा आज वालिङ र चन्द्रपुर नगरपालिका भिड्दै
२०७७ माघ २० गते ७:४०
२० माघ २०७७ काठमाडौं । काठमाडौंमा जारी राष्ट्रिय महिला लीग फूटबलमा आज एक खेल हुँदैछ ।
प्रतियोगिताअन्तर्गत आज स्याङ्जाको वालिङ नगरपालिका र रौतहटको चन्द्रपुर नगरपालिकाबीच प्रतिस्पर्धा हुन लागेको हो ।
दुबै टोली आज दोस्रो जितको खोजीमा मैदान ओर्लने छन् । अहिलेसम्म पाँच खेल खेलेका दुबै टोलीले एकएक खेल मात्रै जितेका छन् ।
तालिकाको पाचौं स्थानमा रहेको वालिङले एकमा जित, दुईमा बराबरी र दुईमा हार व्यहोरेको छ भने छैठौं स्थानको चन्द्रपुरले एकमा जित र चारमा हार भोगेको छ ।
एन्फा कम्प्लेक्स सातदोबाटोमा हुने खेल दिउँसो २ बजे शुरु हुनेछ ।
प्रतिक्रिया