खेलकूद
प्रधानमन्त्री कप क्रिकेटमा आजदेखि सेमिफाइनल खेल शुरु हुँदै
२०७७ माघ १४ गते ७:३६
१४ माघ २०७७ काठमाडौं । काठमाडौंमा जारी प्रधानमन्त्री कप राष्ट्रिय एक दिवसीय क्रिकेट प्रतियोगितामा आजदेखि सेमिफाइनलका खेल शुरू हुँदैछन् ।
पहिलो सेमिफाइनलमा आज सशस्त्र प्रहरीको एपीएफ क्लब र नेपाल पुलिस क्लब भिड्न लागेका छन् । एपीएफ समूह ए को विजेता र पुलिस समूह बी को उपविजेता टोली हुन् ।
एपीएफका कप्तान शरद भेष्वाकर र पुलिसका कप्तान मंजित श्रेष्ठ हुन् । कीर्तिपुरस्थित त्रिवि क्रिकेट मैदानमा खेल बिहान नौ बजे हुनेछ ।
यस्तै दोस्रो सेमिफाइनलमा भोलि बागमती प्रदेश र त्रिभुवन आर्मी क्लबबीच प्रतिस्पर्धा हुनेछ ।
प्रतिक्रिया