लिभरपुल र म्यानचेष्टर युनाइटेड गोलरहित बराबरीमा रोकिए

Himalaya Television
२०७७ माघ ५ गते ७:३६

लिभरपुल र म्यानचेष्टर युनाइटेड गोलरहित बराबरीमा रोकिए

५ माघ २०७७ काठमाडौं । इंग्लिस प्रिमियर लीग फूटबलमा लिभरपुल र म्यानचेष्टर युनाइटेड बराबरीमा रोकिएका छन् ।

लीग अन्तर्गत साविक विजेता लिभरपुल र शीर्ष स्थानको म्यानचेष्टर युनाइटेडले गोलरहित बराबरी खेलेका हुन् । खेलमा दुबै टोलीले पाएको मौकालाई सदुपयोग गर्न नसक्दा बराबरी खेल्दै अंक बाडेका छन् ।

बल पोजिसनमा पकड बनाएपनि घरेलु टोली लिभरपुल गोल गर्न चुकेको थियो । यस्तै गोलको अवसर सिर्जना गरेपनि युनाइटेडले त्यसमा सफल हुन सकेन । बराबरीसँगै युनाइटेड १८ खेलबाट ३७ अंकसहित शीर्ष स्थानमा कायमै छ ।

उता चौथो स्थानमा खस्किएको लिभरपुलको समान १८ खेलबाट ३४ अंक जोडेको छ ।

लीगकै अर्को खेलमा क्रिष्टल प्यालेसमाथि ४–० को शानदार जित निकाल्दै म्यानचेष्टर सिटी तालिकाको दोस्रो स्थानमा उक्लिएको छ ।

सिटीको जितमा जोन स्टोन्सले दुई तथा इल्के गुण्डोगान र रहिम स्टरलिङले एक(एक गोल गरेका थिए । जितसँगै सिटीको १७ खेलबाट ३५ अंक भएको छ । त्यस्तै अर्को खेलमा टोटेनह्यामले शेफिल्ड युनाइटेडमाथि ३१ गोलको जित निकाल्यो ।


प्रतिक्रिया

Leave a Reply

Your email address will not be published. Required fields are marked *

Latest Programs