विदेश
गुडिरहेको बसमा आगलागी हुँदा ६ जनाको मृत्यु, सात जनाको अवस्था गम्भीर
२०७७ माघ ४ गते १२:४३
४ माघ २०७७ राजस्थान । भारतको राजस्थानमा गुडिरहेको बसमा आगलागी हुँदा ६ जनाको मृत्यु भएको भने ७ जना गम्भीर घाइते भएका छन् ।
राजस्थानको जालोरको महेशपुरा गाउँमा बसले ११ हजार भोल्टेजको बिजुलीको हाइटेन्सन लाइनको तार छोएपछि आगलागी भएको थियो । आगलागीमा घाइते भएका ६ जनालाई अस्पतालले मृत घोषित गरेको छ ।
त्यस्तै १३ जनाको अवस्था सामान्य र ७ जनाको अवस्था गम्भीर रहेको भारतीय सञ्चार माध्यमले जनाएका छन् । मान्डलीदेखि ब्यावर जान लागेको बसका चालकले बाटो बिर्सिएपछि बस महेशपुरा गाउँ पुगेको थियो ।
त्यहाँ बसले बिजुलीको हाइटेन्सन लाइन छोएको थियो । मृतक र घाइते सबै जैन धर्मावलम्बी रहेको भारतीय सञ्चार माध्यमले जनाएका छन् ।
प्रतिक्रिया