खेलकूद
कप्तान मल्लासहित तीन जना क्रिकेटरलाई कोरोना संक्रमण
२०७७ मंसिर १० गते १९:३२
१० मंसिर, २०७७ काठमाडौं । नेपाली राष्ट्रिय क्रिकेट टिमका कप्तान ज्ञानेन्द्र मल्ल, उपकप्तान दीपेन्द्र सिंह ऐरी र रोहितकुमार पौडेललाई कोरोना संक्रमण भएको छ ।
कप्तान ज्ञानेन्द्रले आफूलाई कोरोना भएको आज सामाजिक संजाल फेसबुकबाट जानकारी दिएका हुन् ।
यस्तै उपकप्तान दीपेन्द्र सिंह ऐरी र रोहितकुमार पौडेललाई पनि संक्रमण पुष्टि भएको छ । राष्ट्रिय क्रिकेट टिमको बन्द प्रशिक्षणका लागि सबै खेलाडीको कोरोना परीक्षण गरिएको थियो ।
त्यसै क्रममा उनीहरुमा कोरोना पुष्टि भएको हो । कोरोना संक्रमण पुष्टि भएका खेलाडी आइसोलेशनमा छन् । उनीहरु भोलिदेखि सुरु हुने बन्द प्रशिक्षणमा सहभागी हुने छैनन् ।
प्रतिक्रिया