आर्थिक
सुनको भाउ आज पनि एक हजार घट्यो, प्रतितोला ९१ हजार ५ सय रुपैयाँमा कारोबार
२०७७ मंसिर १० गते १५:१९
१० मंसिर, २०७७ काठमाडौं । नेपाली बजारमा आज पनि सुनको भाउ ओरालो लागेको छ ।
कोरोना भाइरसविरुद्धको खोपले क्रमशः सफलता हासिल गरेको समाचार सार्वजनिक भएपछि अन्तराष्ट्रिय बजारमा सुनको भाउ क्रमशः ओरालो लागिरहेको छ ।
त्यसको प्रभाव नेपाली बजारमा समेत परेको छ । नेपाल सुनचाँदी व्यवसायी महासङ्घका अनुसार आज सुनको भाउ प्रतितोला एक हजारले घटेको छ ।
आज छापावाला सुन प्रतितोला ९१ हजार ५ सय र तेजाबी सुन ९१ हजारमा कारोवार भइरहेको छ । यस्तै चाँदीको मूल्य प्रतितोला २५ रुपैयाँले घटेर आज एक हजार १ सय ७५ मा खरिद विक्रि भएको छ ।
प्रतिक्रिया