बन्द प्रशिक्षणका लागि क्रिकेट टोली र प्रशिक्षकको आज कोरोना परीक्षण
९ मंसिर, २०७७ काठमाडौं । भोलिदेखि शुरु हुने बन्द प्रशिक्षणका लागि नेपाली क्रिकेट टोली र प्रशिक्षकको आज कोरोना परीक्षण हुँदैछ ।
बन्द प्रशिक्षणमा बस्नु अघि आज नेपाली राष्ट्रिय क्रिकेट टोली सबै खेलाडी तथा प्रशिक्षकको पीसीआर परीक्षण गरिने भएको हो । खेलाडी र प्रशिक्षकको परीक्षण कीर्तिपुरमा रहेको त्रिभुवन विश्वविद्यालयको क्रिकेट मैदानमा हुनेछ ।
कोरोना महामारीका कारण बन्द प्रशिक्षण नौ महिना ढिला हुन लागेको हो । बन्द प्रशिक्षणका लागि क्रिकेट खेलाडी काठमाडौं आइसकेका छन् ।
नेपाल क्रिकेट संघ (क्यान) ले ज्ञानेन्द्र मल्लको कप्तानीमा खेलाडीलाई बन्द प्रशिक्षणका लागि बोलाएको हो । ्
उता क्यानका अध्यक्ष चतुरबहादुर चन्दले आवश्यक सबै सावधानी अपनाएर बन्द प्रशिक्षण हुने बताउनुभयो । टोलीको प्रशिक्षकमा जगत टमाटा रहनुभएको छ ।
नेपालले विश्वकप लीग क्रिकेट दुई अन्तर्गत सन् २ हजार २१ मा ५ वटा श्रृंखला खेल्ने तालिका रहेको छ । बन्द प्रशिक्षणमा २२ खेलाडी सहभागी हुँदैछन् ।
प्रतिक्रिया