विदेश

बिहार विधानसभा निर्वाचनको मतगणना आज हुँदै

हिमालय टिभी
२०७७ कार्तिक २५ गते ७:३२
बिहार विधानसभा निर्वाचनको मतगणना आज हुँदै

२५ कात्तिक, २०७७ पटना । भारतको बिहार विधानसभा निर्वाचनको मतगणना आज शुरु हुँदैछ ।

बिहार विधानसभा निर्वाचन अन्तर्गत तीन चरणमा सम्पन्न निर्वाचनको गणना आजदेखि शुरु हुने भएको हो ।

आगामी पाँच वर्ष बिहारको नेतृत्व छनौटका लागि २ सय ४३ विधानसभा सिटमा भएका निर्वाचनको गणना हुँदैछ । २ सय ४३ सिटका लागि बिहारका ३८ जिल्लामा ५५ वटा गणनास्थल बनाइएका छन् ।

त्यस्तै ५५ वटा गणनास्थलमा ४ सय १४ वटा हल बनाइएको छ । सबैभन्दा पहिला हुलाकमार्फत परेका मतदानको गणना हुनेछ ।

बिहार विधानसभा अन्तर्गत अक्टोबर २८ तारिखमा ७१ सीट, नोभेम्बर ३ तारिखमा ९४ सिट र नोभेम्बर ७ तारिखमा ७८ सिट गरी तीन चरणमा मतदान भएको थियो ।

यस पटक मुख्यमन्त्री नितीश कुमार नेतृत्वको १५ वर्षे शासनलाई चुनौति दिन विपक्षीले महागठबन्धन चुनावि मैदानमा उत्रिएको थियो । चुनावी सर्वेक्षणले पूर्व मुख्यमन्त्री लालुप्रसाद यादवका छोरा तेजस्वी यादव बिहारको आगामी मुख्यमन्त्री बन्न सक्ने देखाएको छ ।

कोरोना भाइरसको महामारीका कारण जारी निर्देशिका अनुसार परिणाम केही ढिलो आउन सक्ने भारतीय सञ्चार माध्यमले जनाएका छन् ।

प्रतिक्रिया

Leave a Reply

Your email address will not be published. Required fields are marked *