खेलकूद
नेपाल क्रिकेट संघ साधारणसभा फेरि पनि स्थगित
२०७७ असोज २६ गते १८:५३
२६ असोज, २०७७ काठमाडौं । नेपाल क्रिकेट संघ (क्यान)को साधारणसभा फेरि पनि स्थगित भएको छ ।
असोज २८ र २९ गतेका लागि बोलाइएको साधारणसभा पदाधिकारीको स्वास्थ्यका कारण अनिश्चितकालका लागि स्थगित गरिएको क्यानले जनाएको छ ।
क्यानका अध्यक्ष र सचिव कोरोना संक्रमणका कारण आइसोलेसनमा छन् । अध्यक्ष चतुरबहादर चन्दले विज्ञप्ति जारी गरेर अर्को सूचना जारी नभएसम्मका लागि साधारणसभा स्थगित गरेको जनाएका छन् ।
असोज ६ गते चितवनको सौराहामा बसेको बोर्ड बैठकले साधारणसभाको मिति लगायत खेलाडीको नयाँ वर्गीकरण गरेको थियो । गत वर्ष नयाँ कार्यसमिति निर्वाचित भएपछि क्यानले वार्षिक साधारणसभा गरेको छैन् ।
प्रतिक्रिया