भीमफेदीमा जिप दुर्घटना हुँदा दुई जनाको मृत्यु, ६ जना घाइते

Himalaya Television
२०७७ असोज १८ गते १४:४५

भीमफेदीमा जिप दुर्घटना हुँदा दुई जनाको मृत्यु, ६ जना घाइते

१८ असोज, २०७७, हेटौंटा । मकवानपुरमा जिप दुर्घटनामा दुई जनाको मृत्यु भएको छ । दुर्घटनामा ६ जना घाइते भएका छन् ।

हेटौंडाबाट काठमाडौंका लागि छुटेको ना १ ज ४१०६ नम्बरको जीप भीमफेदी गाउँपालिका वडा नम्बर– ६ जुरीखेतमा दुर्घटना हुँदा दुई जनाको मृत्यु भएको हो ।

मृतकको सनाखत हुन बाँकी रहेको जिल्ला प्रहरी कार्यालय मकवानपुरका प्रवक्ता इन्द्रबहादुर रानाले जानकारी दिनुभयो । जिप भिरबाट १ सय मिटर तल खोल्सामा खसेको हो।

दुर्घटनामा घाइते भएका ६ जनालाई उपचारका लागि हेटौंडा अस्पताल लगिएको छ ।


प्रतिक्रिया

Leave a Reply

Your email address will not be published. Required fields are marked *