आईपीएलमा चेन्नईको विजयी सुरुवात, मुम्बई ५ विकेटले पराजित

Himalaya Television
२०७७ असोज ४ गते ७:५१

आईपीएलमा चेन्नईको विजयी सुरुवात, मुम्बई ५ विकेटले पराजित

४ असोज, २०७७ काठमाडौं । इण्डियन प्रिमियर लीग, आइपीएलमा चेन्नई सुपर किंग्सले विजयी शुरुवात गरेको छ ।

आइपीएल अन्तर्गत चेन्नईले साविक मुम्बई इण्डियन्सलाई ५ विकेटले पराजित गरेको हो । १ सय ६३ रनको लक्ष्य चेन्नईले १९ दशमलव २ बलमा ५ विकेट गुमाएर पुरा गर्यो ।

चेन्नईको जितमा अम्बाटी रायाडुले ७१ रनको अर्धशतकीय इनिंग्स खेले । त्यस्तै फाफ डुप्लेसिस ५५ रनमा अविजित रहे ।

यसअघि युएईको शेख जायद रंगशालामा टस हारेर पहिले ब्याटिङ् गरेको मुम्बईले निर्धारित २० ओभरमा ९ विकेटको नोक्सानीमा १ सय ६२ रन बनाएको थियो ।

उसका लागि सौरभ तिवारीले ४२ तथा क्विन्टन डिककले ३३ रन जोडे । बलिङमा चेन्नईका लुंगी एनजिडीले ३ विकेट लिए ।

प्रतियोगिता अन्तर्गत आज सन्दीप लामिछाने आबद्ध दिल्ली क्यापिटल्स र किंग्स एलाभेन पञ्जाबबीच प्रतिस्पर्धा हुनेछ ।


प्रतिक्रिया

Leave a Reply

Your email address will not be published. Required fields are marked *

Latest Programs