निषेधाज्ञाका कारण भोकै परेकालाई नारायणी किनारमा भरपेट भोजन (फोटो फिचरसहित)

२० भदौ, २०७७ चितवन । सडकमा बेवारिस जीवन बिताइरहेकालाई भोकै बस्न नपरोस् भन्दै नारायणगढको नारायणी नदी किनारमा दैनिक भोजन गराउने गरिएको छ ।

विभिन्न व्यक्ति तथा संघसंस्थासँगको सहकार्यमा बेवारिसे व्यवस्थापन तथा पुनर्जीवन केन्द्रले दैनिक रुपमा निःशुल्क खाना खुवाउँदै आएको छ ।

संस्थाले दैनिक एक सय भन्दा बढी बेसहारा व्यक्तिलाई खाना खुवाउँदै आएको छ । अभियानमा सामाजिक संघसंस्था तथा व्यक्तिले सहयोग गरिरहेका छन् ।

निषेधाज्ञाका कारण समस्यामा परेकालाइ नारायणी नदी किनारमा भदौ ५ गतेदेखि प्रत्येक दिन बिहान खाना खुवाइने गरेको छ ।