चितवनबाट भागेका कोरोना संक्रमित युवा नुवाकोटबाट पक्राउ

Himalaya Television
२०७७ भदौ १० गते १२:५२

चितवनबाट भागेका कोरोना संक्रमित युवा नुवाकोटबाट पक्राउ

१० भदौ, २०७७ काठमाडौं । चितवनको भरतपुर अस्पतालवाट भागेका १९ वर्षीय कोरोना संक्रमित युवा नुवाकोट र धादिङको सीमा क्षेत्रबाट पक्राउ परेका छन् ।

उनलाई आज नुवाकोट बेलकोटगढी–५ स्थित नेपाल प्रहरीको चेकिङका क्रममा पक्राउ गरिएको हो ।

उनी साइकलमा नुवाकोटतर्फ जाँदै गर्दा पक्राउ परेका हुन् । उनलाई नुवाकोटमा नै आइसोलेसनमा राख्न समन्वय भइरहेको जिल्ला प्रहरी कार्यालय चितवनका प्रहरी प्रवक्ता सूर्य थापाले जानकारी दिनुभयो ।

चोरीको आरोपमा पक्राउ परेका ती युवामा कोरोना संक्रमण पुष्टि भएपछि भरतपुर अस्पतालको आइसोलेसनमा राखिएको थियो । उनी हिजो बिहान चितवनबाट भागेका थिए ।


प्रतिक्रिया

Leave a Reply

Your email address will not be published. Required fields are marked *

Latest Programs