निषेधाज्ञाको पहिलो दिन बैंकहरु खुलेनन्

Himalaya Television
२०७७ भदौ ४ गते १४:२१

निषेधाज्ञाको पहिलो दिन बैंकहरु खुलेनन्

४ भदौ, २०७७ काठमाडौं । निषेधाज्ञाको पहिलो दिन आज बैंक खुलेका छैनन् ।

बैंक खोल्न हिँडेका कर्मचारीलाई प्रहरीले दुर्व्यवहार गरेको भन्दै नेपाल बैंकर्स संघले आज बैंकका कुनै पनि शाखा नखोल्न निर्देशन दिएको हो ।

नेपाल बैंकर्स संघका अध्यक्ष भुवन कुमार दाहालले कर्मचारीलाई दुःख दिएका कारण बैंक नखोल्न भनिएको जानकारी दिनुभयो । काठमाडौं उपत्यकामा गएराति १२ बजेदेखि निषेधाज्ञा जारी गरिएको छ ।

निषेधाज्ञा पालना गराउन सडकमा खटिएका प्रहरीले बैंकका कर्मचारीलाई रोकेका छन् । बैंकका सिईओलाई समेत बाटैमा रोकिएको संघले जनाएको छ ।

निषेधाज्ञाका बेला काठमाडौंमा पाँच , भक्तपुरमा १ र ललितपुरमा २ वटा गरी एक बैंकका आठ वटा शाखा खोल्ने सहमति भएको थियो ।

उता ट्राफिक प्रहरी महाशाखा प्रमुख भीमप्रसाद ढकालले भने आफूहरुले माथिको आदेश बमोजिम काम गरिरहेको बताउनु भयो ।


प्रतिक्रिया

Leave a Reply

Your email address will not be published. Required fields are marked *

Latest Programs