खेलकूद
पीएसजी च्याम्पियन्स लिग फुटबलको फाइनल प्रवेश
२०७७ भदौ ३ गते ८:११
३ भदौ, २०७७ काठमाडौं । फ्रान्सेली क्लब पेरिस सेन्ट जर्मेन (पीएसजी) च्याम्पियन्स लीग फुटबलको फाइनलमा प्रवेश गरेको छ ।
जर्मन क्लब आरबी लाइप्जिगमाथि ३-० गोलको नतिजासहित पिएसजी पहिलो पटक च्याम्पियन्स लीगको फाइनलमा पुगेको हो ।
पोर्चुगलको लिस्बनस्थित स्टाडियो डा लुज रंगशालामा सम्पन्न पहिलो सेमिफाइनलमा पिएसजीका लागि मार्किन्होस, एन्जल डि मारिया र जुआन बर्नेटले समान एकएक गोल गरेका थिए।
१३ औं मिनेटमै मार्किन्होसले हेडमार्फत गोल गर्दै पिएसजीलाई अग्रता दिलाएका । त्यसपछि पिएसजीका लागि ४२ औं मिनेटमा डि मारिया र ५६औं मिनेटमा बर्नेटले गोल थपेका थिए ।
अब उपाधिका लागि पिएसजीले बायर्न म्युनिख र लियोनबीचको विजेतासँग प्रतिस्पर्धा गर्नेछ । बायर्न म्युनिख र लियोनबिचको सेमिफाइनल खेल आज राति हुँदैछ ।
प्रतिक्रिया