अमेरिका, ब्राजिल र भारतमा कोरोना संक्रमण र मृत्यु बढ्दो
३१ साउन, २०७७ काठमाडौं । अमेरिका, ब्राजिल र भारतमा कोरोना भाइरसको संक्रमण अझै बढ्दो क्रममा देखिएको छ ।
अन्य मुलुकमा संक्रमण केही घटेपनि अमेरिका, ब्राजिल र भारतमा संक्रमित तथा मृत्यु हुनेको संख्यामा कमी आउन सकेको छैन । पछिल्लो २४ घण्टामा भारतमा सबैभन्दा बढी मानिसमा संक्रमण पुष्टि भएको छ ।
त्यहाँ ६५ हजार भन्दा बढी संक्रमित भए । त्यस्तै अमेरिकामा ६० हजार भन्दा बढी तथा ब्राजिलमा ४९ हजार बढी नयाँ संक्रमित थपिए ।
शुक्रबार विश्वभर २ लाख ७६ हजार भन्दा बढी मानिसमा कोरोना संक्रमण भयो । यससँगै विश्वभर कोरोना संक्रमित हुनेको संख्या २ करोड १३ लाख नाघेको छ ।
त्यस्तै शुक्रबार विश्वमा ५ लाख ७ हजार भन्दा बढी मानिसको मृत्यु भएको छ । सबैभन्दा बढी अमेरिकामा १ हजार १ सय २०, ब्राजिलमा १ हजार ७ तथा भारतमा ९ सय ९० जनाले ज्यान गुमाएका छन् । उता संक्रमित मध्ये १ करोड ४१ लाख भन्दा बढी संक्रमणमुक्त भैसकेका छन् ।
आज मेक्सिकोमा ५ हजार भन्दा बढी संक्रमित हुँदा ६ सय १५ जनाको मृत्यु भएको छ ।
प्रतिक्रिया