आर्थिक
शेयर बजार परिसूचक नेप्से आज ३ प्रतिशत घट्यो
२०७७ साउन १८ गते १७:३२
१८ साउन, २०७७ काठमाडौं । कारोबार भएकामा सबैजसो कम्पनीको शेयरको भाउ घटेपछि शेयर बजार परिसूचक नेप्से आज ३ प्रतिशत घटेको छ ।
नेप्से आज ४२ दशमलव ७८ अंकले घटेर १३ सय ९६ दशमलव २८ बिन्दुमा झरेको छ । कारोबार भएका सबै समूहको परिसुचक घटेकाले नेप्से पनि घटेको हो ।
मौद्रिक नीति शेयर बजार मैत्री भएको भन्दै पछिल्लो समय बजार बढेको थियो । तर देशभर कोरोना संक्रमण बढ्दै गएकोले सरकारले फेरि लकडाउन गर्ने भन्ने हल्लाको शेयर बजारमा असर गरेको हो ।
तर सस्तोमा शेयर उठाउने बढेका कारण आज १ अर्ब ८४ करोड रुपैयाँको शेयर किनबेच भएको छ ।
प्रतिक्रिया