प्रदेश १ बाट ३३ जना कोरोना संक्रमित डिस्चार्ज
२०७७ असार २९ गते १३:३५
२९ असार, २०७७ विराटनगर । मोरङको सुन्दरहरैंचास्थित पूर्वाञ्चल विश्वविद्यालय मेडिकल कलेजको कोभिड आइसोलेशनबाट ३३ जना कोरोना संक्रमित डिस्चार्ज भएका छन् ।
डिस्चार्ज भएकामा १८ देखि ५६ वर्ष उमेरका छन् । डिस्चार्ज हुनेमा मोरङका ५ जना, झापाका २० जना, सुनसरीका २ जना, ताप्लेजुङका १ जना, संखुवासभाका ३ जना र खोटाङका २ जना छन् ।
अस्पतालमा अब ४२ जना संक्रमित बाँकी रहेको पूर्वाञ्चल विश्वविद्यालय मेडिकल कलेजका डिन डाक्टर शैलेशमणि पोखरेलले जानकारी दिनुभयो ।
अस्पतालबाट अहिलेसम्म २ सय २७ जना डिस्चार्ज भईसकेका छन् । प्रदेश १ मा ७ सय २४ संक्रमित मध्ये ६ सय ४ जना डिस्चार्ज भएका छन् ।
प्रतिक्रिया