समाज
बाढीपहिरोले म्याग्दी, जाजरकोट, कास्की र लमजुङमा बढी मानवीय क्षति
२०७७ असार २७ गते ८:१६
२७ असार, २०७७ काठमाडौं । लगातारको वर्षापछि आएको बाढी पहिरोले देशका विभिन्न स्थानमा जनधनको ठुलो क्षति गरेको छ । म्याग्दी, जाजरकोट, कास्की र लमजुङमा धेरै मानवीय क्षति भएको छ ।
म्याग्दीमा पहिरोले ठूलो क्षति पुर्याएको छ । तर हिजोदेखि अहिलेसम्म घटनास्थल पुग्न नसक्दा त्यहाँको एकिन विवरण आउन सकेको छैन । त्यहाँ अहिलेसम्म उद्धारका लागि प्रहरी घटना स्थल पुग्न सकेको छैन ।
जिल्ला प्रहरी कार्यालयबाट गएको उद्धार टोली दरवाङमा रोकिएको म्याग्दीका सहायक प्रमुख जिल्ला अधिकारी महेश सुवेदीले जानकारी दिनुभयो ।
मालिका गाउँपालिकाकी उपाध्यक्षा खरमायाँ बिटालुका अनुसार मालिकामा ७ जनाको मरृत्यु भएको छ भने धौलागिरी गाउँपालिकामा २९ जना हराइरहेका छन् ।
प्रतिक्रिया