सुनको मूल्य तोलाको ४ सय रुपैयाँ घट्यो, ९० हजार ४ सयमा कारोबार

९ असार, २०७७ काठमाडौं । निरन्तर बढिरहेको सुनको भाउ आज केही घटेको छ । आज सुन तोलाको ९० हजार ६ सय रुपैयाँमा झरेको छ ।

नेपालमा सुनको मुल्य आज तोलामा ४ सय रुपैयाँले घटेको सुन चाँदी व्यवसायी महासंघले बताएको छ । हिजो सुन प्रतितोला ९१ हजार पुगेको थियो ।

लकडाउनपछि सुनको मुल्य घटेको यो पहिलो पटक हो । चाँदीको मूल्य पनि तोलामा दश रुपैयाँले घटेर प्रतितोला ९ सय ४० रुपैयाँमा कारोबार भइरहेको महासंघले जनाएको छ ।

अन्तरराष्ट्रिय बजारमा हुने उतारचढावले नेपालमा सुन चाँदिको मुल्य घटबढ हुने गरेको छ ।