संविधान संशोधन विधेयक आज राष्ट्रियसभाबाट पनि परित गरिँदै

Himalaya Television
२०७७ असार ४ गते ७:२६

संविधान संशोधन विधेयक आज राष्ट्रियसभाबाट पनि परित गरिँदै

४ असार, २०७७ काठमाडौं । संघीय संसद राष्ट्रिय सभामा आज नेपालको संविधान दोस्रो संशोधन विधेयक पारित गरिंदैछ ।

संसद भवन नयाँ बानेश्वरमा बिहान ११ बजे बस्ने बैठकमा नेपालको नयाँ नक्सासहितको निशान छाप सम्बन्धी संविधान संशोधन विधेयक पारित गर्ने कार्यसुची रहेको संसद सचिवालयले जनाएको छ ।

कानून, न्याय तथा संसदीय मामिला मन्त्री डा. शिवमाया तुम्बाहाङ्फेले प्रतिनिधि सभाबाट सन्देश सहित प्राप्त नेपालको संविधान दोस्रो संशोधन विधेयकमाथिको दफावार छलफल सदनमा गरियोस् भन्ने प्रस्ताव प्रस्तुत गर्नुहुने छ । दफावार छलफल सकिएलगत्तै विधेयक पारित गर्ने कार्यसुची रहेको छ ।

प्रतिनिधि सभाले जेठ ३१ गते नेपालको नयाँ नक्सा समेटीएको निशान छाप सम्बन्धी संविधान सोशोधन प्रस्ताव सर्वसम्मत पारित गरेको थियो ।


प्रतिक्रिया

Leave a Reply

Your email address will not be published. Required fields are marked *