भेरीमा बेपत्ताको खोजीमा गोताखोर परिचालन

रुकुम । पश्चिम रुकुममा भेरी नदीमा बेपत्ता तीन जनाको खोजीका लागि गोताखोर परिचालन गरिएको छ ।

सशस्त्र प्रहरी बलको जाजरकोटस्थित आश्रित गुल्म र सशस्त्र प्रहरी बल नम्बर ४७ गुल्म पश्चिम रुकुमबाट खटिएको सशस्त्र प्रहरीको टोली खोजीमा जुटेको हो ।

चार जना गोताखोरसहित १८ जना सशस्त्र प्रहरीको टोली खोजीमा सक्रिय छ । जाजरकोटबाट पश्चिम रुकुममा विवाहका लागि प्रेमिका लिन गएका नवराज विक सहितका युवालाई गाउँलेले आक्रमण गरेका थिए ।

घटनामा मारिएका ३ जना युवकको शव भेरी नदीमा भेटिएको छ । अरु ३ जना अझै बेपत्ता छन् ।