महाकाली नदीमा पानीको सतह खतराको संकेत पार

कञ्चनपुर । रातिदेखि परेको वर्षाका कारण महाकाली नदीमा पानीको सतहले खतराको संकेत पार गरेको छ ।

कञ्चनपुर लगायत चुरे क्षेत्रमा भएको वर्षाले महाकाली नदीको सतह खतराको संकेत पार गरेको हो । महाकाली नदीमा पानीको बहाव १ लाख २० हजार क्यूसेक पुगेको सहायक प्रमुख जिल्ला अधिकारी सुशील बैद्यले जानकारी दिनुभयो ।

नदीमा पानीको बहावले खतराको संकेत पार गरेपछि भारतले शारदा ब्यारेजमा चारपांग्रे सवारीसाधानमा रोक लगाइएको छ । महाकाली नदीमा पानीको बहाव १ लाख क्युसेक नाघेपछि खतरा मान्ने गरिन्छ ।