बारामा अज्ञात समूहको गोली प्रहारबाट विद्यालय सञ्चालकको मृत्यु

१३ कात्तिक २०८० बारा । चार जनाको समूहले गोली हानी बारामा एक जनाको हत्या गरेको छ ।

२ वटा मोटरसाइकलमा आएका ४ जनाको समूहले बाल एकता इंग्लिस बोर्डिङ्ग स्कुलका प्रधानाध्यापक रुपेश सर्राफ गुड्डुको हत्या गरेको हो । कलैया–६ मदर्शा टोलमा सर्राफमाथि गोली प्रहार भएको हो ।

घाँटी तथा छातीमा गोली लागेका सर्राफको वीरगंजस्थित वयोधा अस्पतालमा उपचारका क्रममा मृत्यु भएको जिल्ला प्रहरी कार्यालय पर्साका प्रहरी उपरीक्षक एसपी कोमल शाहले जानकारी दिनुभयो । घटनाको विस्तृत विवरण आउन बाँकी छ ।