Main News

जुम्लाको हिमा गाउँपालिकाको अध्यक्षमा कांग्रेस विजयी

२०७९ जेठ २ गते १९:५५
जुम्लाको हिमा गाउँपालिकाको अध्यक्षमा कांग्रेस विजयी

२ जेठ २०७९ खलंगा । जुम्लाको हिमा गाउँपालिकामा अध्यक्ष र उपाध्यक्षमा नेपाली कांग्रेसका उम्मेदवार विजयी हुनुभएको छ ।

जुम्लामा एक नगरपालिकासहित सात वटा गाउँपालिका गरी आठ वटा स्थानीय तहमध्ये अहिलेसम्म दुईवटा स्थानीय तहका अन्तिम मत परिमाण आएको छ । यहाँको सिंजा क्षेत्र पर्ने हिमा गाउँपालिका र कनकासुन्दरी गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवारले विजयी हासिल गरेका छन् ।

जिल्लाको हिमा गाउँपालिकामा लक्ष्मण शाही विजयी भएका हुन् । शाहीले एक हजार ८७२ मत प्राप्त गर्नुभएको छ । उहाँका निकटतम प्रतिद्वन्द्वी नेकपा(माओवादी केन्द्र)का अम्मराज शाहीले एक हजार ४२३ मत प्राप्त गर्नुभएको छ । उपाध्यक्षमा पनि कांग्रेसकी सुर्पना शाही विजयी हुनुभएको छ ।

उहाँले १ हजार ५१८ मत ल्याउनु भएको छ । उहाँकी प्रतिद्वन्द्वी माओवादी केन्द्रकी कल्पना दमाईले एक हजार ४८९ मत ल्याउनु भएको गाउँपालिकामा रहेको निर्वाचन कार्यालयले जनाएको छ । स्थानीय तह २०७४ को निर्वाचनमा हिमामा माओवादी केन्द्रका अध्यक्ष र उपाध्यक्ष विजयी भएको थियो ।

कनकासुन्दरी गाउँपालिकाको अध्यक्ष र उपाध्यक्षमा कांग्रेसले विजयी गरेको छ । कांग्रेसका अध्यक्ष पदका उम्मेदवार दामोदरप्रसाद आचार्यले दुई हजार ८०६ मतसहित विजयी हुनुभएको छ । उहाँका निकटतम प्रतिद्वन्द्वी माओवादी केन्द्रका धनबहादुर रावतले दुई हजार ५६२ मत प्राप्त गरेका छन् ।

यस्तै उपाध्यक्षमा कांग्रेसकी प्रेमकली बुढाले दुई हजार ३८० मत ल्याएकी थिइन् भने उहाँका निकतम प्रतिस्पर्धी माओवादी केन्द्रकी रीता खत्रीले एक हजार ९४५ मत प्राप्त गर्नुभएको छ । यहाँका तिला, तातोपानी र पातारासी गाउँपालिकामा कांग्रेसका उम्मेदवारले अग्रता लिएका छन् ।

प्रतिक्रिया

Leave a Reply

Your email address will not be published. Required fields are marked *