प्रधानन्यायाधीशसँग वार्ता गर्न तीन न्यायाधीशलाई जिम्मा

१४ कात्तिक २०७८ काठमाडौं । सर्वोच्च अदालतमा आन्दोलनरत् न्यायाधीशहरुले प्रधानन्यायाधीश चोलेन्द्र शम्शेर जबरासँग वार्ताका लागि ३ न्यायाधीशलाई जिम्मा दिएका छन् ।

प्रधानन्यायाधीश राणाको राजीनामा माग गर्दै इजलास बहिष्कार गरेका न्यायाधीशहरुले अनिलकुमार सिन्हा, सपना प्रधान मल्ल र डाक्टर मनोजकुमार शर्मालाई वार्ताको जिम्मेवारी दिएका हुन् ।

प्रधानन्यायाधीश राणाको बहिर्गमन सहज हुनेगरी छलफल गर्ने जिम्मेवारी पाएका तीन न्यायाधीशले अनौपचारिक छलफल नै थालिसकेका छन् ।

राणा न्यायालयको नेतृत्वमा असक्षम रहेको भन्दै उहाँको राजीनामालाई न्यायाधीशहरुले मुख्य एजेण्डा बनाउँदै आएका छन् । न्यायाधीशहरुको बहिष्कारका कारण एक सातादेखि सुनुवाइ हुन सकेको छैन ।