Main News

एमालेको अवरोधपछि प्रतिनिधिसभा बैठक १५ मिनेटका लागि स्थगित

हिमालय टिभी
२०७८ भदौ २७ गते १४:११
एमालेको अवरोधपछि प्रतिनिधिसभा बैठक १५ मिनेटका लागि स्थगित

२७ भदौ २०७८ काठमाडौं । प्रमुख प्रतिपक्ष दल नेकपा (एमाले)को अवरोधको कारण प्रतिनिधिसभाको आजको बैठकमा पनि पन्ध्र मिनेटका लागि स्थगित भएको छ ।

प्रतिनिधिसभा बैठक शुुरु हुनासाथ प्रमुख प्रतिपक्ष दल नेकपा(एमाले)ले विरोध जनाएको छ । सभामुख अग्नीप्रसाद सापकोटाले आफ्नो पार्टी फुटाउन भूमिका खेलेको भन्दै एमालेले लगातार तेस्रो दिन पनि संसद अवरोध कायमै राखेको हो ।

सभामुख अग्निप्रसाद सापकोटाले तटस्थ भूमिका निर्वाह नगरेको भन्दै एमालेले यथास्थितिमा सभामुखलाई मानेर जान नसकिने भन्दै प्रतिनिधि सभामा अवरोध गर्दै आएको छ ।

आजको बैठकमा पनि एमालेले चर्को विरोध जनाएको छ । सभामुख सापकोटाले आफू नेपालको संविधान, ऐन, कानून र प्रतिनिधि सभा नियमावली अनुसार नै चलेको भन्दै पटक पटक बैठक सञ्चालन गर्ने वातावरण बनाउन प्रतिपक्षी सांसदहरुलाई आग्रह गर्नुभएको थियो ।

प्रतिपक्ष सांसदहरुले वेल घेर्दै संसदीय मर्यादा कायम गर, पक्षपातपूर्ण व्यवहार मुर्दावाद, पदीय मर्यादा कामय गर, संवैधानिक सर्वोच्चता कायम गर, गैरसांसदलाई प्रवेश निषेध गर, पार्टी फुटाउने षड्यन्त्र–मुर्दावाद, यथास्थितिमा संसद चल्न सक्दैन लगायतका नाराबाजी गरेका थिए ।

प्रतिक्रिया

Leave a Reply

Your email address will not be published. Required fields are marked *